Fogaréu
6.64 100 မိနစ်များ ဘရာဇီးနိုင်ငံ အလယ်ပိုင်းကမြို့လေးတစ်ခုရဲ့ နှစ်စဉ်ကျင်းပတဲ့ ရိုးရာစီတန်းပွဲလုပ်နေချိန်မှာ မြို့တော်၀န်ရဲ့တူမဖြစ်တဲ့ ဖာနန်ဒါဆိုတဲ့မိန်းကလေးတစ်ယောက် သူ့မိဘတွေ အကြောင်းသိချင်လို့ ရောက်လာတာဖြစ်ပါတယ်။ အဲဒီမြို့ရဲ့ ထူးဆန်းတဲ့အချက်ကတော့ မြို့ခံတွေဟာ သူတို့ဆွေမျိုး၀မ်းကွဲတွေ အချင်းချင်းပြန်လက်ထပ်ကြတာပါ။ မွေးကင်းစကလေးတွေ မသန်မစွမ်းဖြစ်နေရင် မိဘတွေက စွန့်ပစ်လိုက်ကြပါတယ်။ မြို့ခံတွေက အဲဒီကလေးတွေကို မွေးစားပါတယ်။ အမှန်တကယ်က မွေးစားတာထက် ကျွန်တစ်ယောက်လို ခိုင်းတော့တာပါ။ ဖာနန်ဒါက သူ့ဆုံးသွားတဲ့အမေအကြောင်းစုံစမ်းရင်း ဒါတွေကိုသိလာတာပေါ့။ ဦးလေးဖြစ်သူ မြို့တော်၀န်အိမ်မှာလည်း မွေးစားထားတဲ့ ကျွန်တွေရှိနေပါတယ်။ သူတို့မိသားစုကလည်း အကုန်လုံးနီးပါး ၀မ်းကွဲချင်းလက်ထပ်ထားသူတွေပါ။ ဖာနန်ဒါက စုံစမ်းရင်းနဲ့ သူ့မိခင်ရင်းက ဦးလေးတို့အိမ်က ခိုင်းတဲ့ကျွန်တစ်ယောက်ဖြစ်ပြီး ဖခင်ရင်းကတော့ ဦးလေးဖြစ်နေတာကို သိလိုက်ရပါတယ်။ မထင်မှတ်ထားတဲ့ အမှန်တရားကိုသိလိုက်ရတဲ့အခါ ဦးလေးကရော သူ့ကို သမီးအဖြစ် အသိအမှတ်ပြုပါ့မလား၊ သူ့မိခင်ရင်းကရော ဘယ်လိုဖြစ်သွားမှာလဲ၊ အမှန်ပေါ်သွားတဲ့အချိန်မှာ ဖာနန်ဒါကို ဦးလေးမိသားစုက လက်ခံမှာလား
